Aftur í gjár varð ein maður tikin fyri at smugla hassj til Føroya. Talan var um ein tilkomnan føroying, sum kom við flogfarinum úr Danmark, men tollararnir á flogvøllinum fingu illgruna um at hann smuglaði rúsevni innvortis.

Tí varð hann sendur í skannaran og rætt var, og sostatt varð hann handtikin.

Løgreglan sigur, at hann hevði eina smærri nøgd av hassji innvortis, minni enn 100 gramm, so tað er hann skuldsettur fyri. Hann er síðani leyslatin aftur til málið verður endaliga avgreitt í rættarskipanini.