Spania fer nú at gera tað sama sum Italia, sum hevur lækkað prísin á brennievni.
Spanski forsætisráðharrin Pedro Sánchez, hevur sagt at stjórnin ger seg til reiðar at hjálpa spaniarum at klára seg í tí dagliga.
Rúgvusmikli tiltakspakkin uppá 5 milliardir evrur, hava til endamáls at lætta um hækkandi livikostnaðin sum heild, nú búskaparliga ávirkanin av krígnum í Iran framvegis trýstir orku- og brennievnisprísirnar upp um alt Evropa.
Hesi tiltøk fevna um eina fyribils lækking av meirvirðisgjaldinum á bensini, el og jarðgassi úr 21% til 10%, umframt 80 onnur stutttíðar- og bygnaðarlig tiltøk, sum eru ætlað at bøta um slagið av hækkandi prísum, til dømis verður húsaleiguhækking eisini steðgað. Hettar boð fleiri spanskir miðlar frá í dag, til dømis spanishnewstoday og surinenglish.
Stjórnin fer eisini, sambært surinenglish, at tryggja minstu-veiting av vatni og orku, og seta forboð fyri at skerja veitingina til tey mest viðbreknu húsarhaldini, um tey ikki megna at gjalda fyri seg.
