Eitt ovurstórt roykskýggj úr einari kiosk reyk í kvøld úr kioskini 1001 Nat, á Istedgade. Sambært upplýsingum hjá Presse-fotos.dk, stavar tað frá einari spreinging.

Ein spreinging í Istedgade er eyðsæð ikki nakað, sum verður tikið lætt av hvørki løgregluni ella alarmsentralinum. Spreingingin hevur síðani kveikt eld í bygningin.

Børn grótu, fólk runnu og stemningurin var avgjørt kaotiskur á staðnum. Løgreglan hevur verið til staðar við stórum bólki.

Neyðhjálpartænastur, og sjúkrabilar vóru eisini á staðnum. Istedgade var stongd fyri ferðslu stutt eftir.

-Mær vitandi hava tvey fólk fingið viðgerð hjá sjúkraflutningstænastuni. Men teir vóru báðir óskaddir, segði Chris Garfort, leiðari fyri tilbúgvingini hjá neyðhjálpartænastuni í høvuðsstaðnum.

- Tað brendi sera illa, tá vit komu, og vit høvdu nógvan royk, sum breiddi seg til trappurnar kring kioskina og til íbúðina omanfyri kioskina, legði hann afturat.