Tárini runnu niður eftir kjálkunum hjá Sissal, tá hon var liðug við sín slow foxtrot í kvøld.

Men tárini trillaðu longu áðrenn hon fór at dansa, segði hon eftir sendingina.

Dansurin á kvøldinum var halgaður mammu hennara, sum hevur havt krabbamein. Og Sissal hoyrdi seg sjálva tosa um tað í videobrotinum, sum varð víst beint áðrenn hon skuldi dansa.

- Eg græt longu áðrenn vit byrjaðu at dansa, hóast eg hevði sæð klippið áður, segði hon.

Samanumtikið var tað eitt kensluborið kvøld hjá Sissal, tí hon græt eisini undir fleiri av brotunum hjá hinum, greiddi hon frá.

16.323.035 krónur vóru samlaðar inn í kvøld.