Tað er fleiri ferðir nevnt, at talið á fólki sum ferðast veksur alsamt. Og nú Hagstovan hevur gjørt tølini upp fyri í fjør, vísir tað seg, at ferðafólkatalið setti met.

tølini vísa, at í fjør ferðaðust tilsamans 510.115 fólk ímillum Føroyar og umheimin - og tað er tað mesta nakrantíð.

Umleið sama tal á fólki kom til Føroya og fór úr Føroyum, men okkurt ár er eitt sindur av muni.

Í fjør komu 255.035 fólk til Føroyar og 255.080 fólk fóru úr Føroyum.

Í talvuni niðan fyri sæst, hvussu gongdin hevur verið hesi seinastu árini.