Tórshavnar býráð ætlar sær nú undir at kanna rákið í Nólsoyarfjørði.

Endamálið er tryggja, at spillvatn, sum verður latið á sjógv frá húsum, stovnum og virkjum í Havn, fer til havs og ikki endar aftur inni í fjøruni.

Endamálið er at tryggja, at bæði verandi og komandi havleiðingar verða lagdar og øki við støðugum og nøktandi botnráki, sum førir spillivatnið burtur frá landi so at tað verður tynt á nøktandi á nøktandi hátt.

Arbeiðið verður mett at kosta kr. 680.000.

Býráðið sigur av royndum, at avleiðingin av at vit vita ov lítið um rákið í Nólsoyarfjørði er, at leiðingar við spillivatni verða lagdir soleiðis, at spillvatnið ikki verður ført til havs, men verður liggjandi ikki við land - ella enntá rekur inn aftur á land.

Tí er neyðugt at hava eitt álítandi grundarlag fyri at meta um, hvussu leiðingarnar skulu leggast, og um verandi leiðingar skulu leggjar longur út.

Rák-kanningarnar skulu tí brúkast sum grundarlag fyri at meta um, antin verandi leiðingar liggja sum teir eiga, ella um tørvur er á at broyta tær, ella leingja teir, so at tær røkka út í øki við har rákið er betri.

Tróndur Sigurðsson, býráðslimur fyri Komunulistan, og limur í fíggjarnevndini hjá býráðnum, tekur ikki undir við hesum tí tey siga, at kanningar vórðu gjørdar tá ið Tórshavnar Havn varð bygd út.