Løgreglan hevur tikið eitt fólk fyri at hava stolið úr handlum fleiri ferðir.

Talan er um handilsstuldur í Havn, men tjóvurin avdúkaði seg sjálvan, tí hann royndi at selja burtur av tjóvagóðsinum á Rótikassanum á Facebook.

Løgreglan sigur, at stuldurin varð avdúkaður, tí fólk, sum arbeiddu í einum handli, haðani tjóvurin hevði verið, sá nakrar lutir á Rótikassanum á Facebook, sum tey kendur aftur.

Tey boðaðu løgregluni frá og løgreglan fann so fram til tann, sum hevðu sett vørurnar til sølu. Løgreglan sigur, at heima hjá viðkomandi fann løgreglan eisini fleiri aðrar lutir, sum tey siga eisini vóru stolnir. Løgreglan vil ikki inn á, hvat fyri lutir, talan er um, men teir høvdu eitt ávíst virði.

Løgreglan roynir nú at fáa greiði á málinum og hvaðani lutirnir eru stolnir, og um alt er stolið úr sama handli - og tjóvurin er skuldsettur í málinum.