Gosfjallið Etna er farið at goysa á oynni Sicilia og spýtir eina risastóra súlu av gassi og øsku upp í himmalin omanfyri italsku oynna.

Upptøkur, sum vóru deildar á sosialu miðlunum, vístu fólk, sum renna fyri lívinum oman eftir fjallasíðuni á størsta og mest virkna gosfjallinum í Evropa, meðan ein tjúkk royksúla øktist omanfyri tey.

Stovnurin fyri jarðfrøði og gosfrøði í Italien sigur í einari fráboðan, at gosfjallið upplivir sterkar stromboliskar spreingingar – eitt slag av gosi – “av vaksandi styrki”.

– Seinastu tímarnar hevur verið ávarað um, at eitt sindur av tunnari øsku dettur niður í Piano Vetore-økinum, stendur í fráboðanini.

Sambært heimasíðuni hjá Volcanic Discovery vóru undan gosinum gosskjálvtar sum byrjaðu umleið klokkan 22.00 lokala tíð og náddi sítt hægsta stutt áðrenn klokkan 01.00.

Volcanic Ash Advisory Center í Toulouse, sum er ein av níggju slíkum miðstøðum um allan heimin, sum verða brúktir til at hava eftirlit við flogferðsluváðum, ávaraði um, at ein royksúla av gosfjallaøsku var komin upp á umleið 6.400 metra hædd.

Sí video niðanfyri:

https://youtube.com/shorts/2nje0_FMjg4?si=20l6oCpc_yhR7yJM

https://www.youtube.com/watch?v=OMcZA16FPFw