Forsøgn galdandi til leygarmorgunin

Lítið lot av útsynningi, minni enn 6 m/s, samdrigið og okkurt ælið, í støðum norðanfyri klárt og sól. Í kvøld veksur hann vindin upp í lot til frískt lot, 3 til 8 m/s, samdrigið og ælaveður. Fram ímóti morgni lítið lot sunnan, minni enn 5 m/s, samdrigið og bert okkurt ælið. Hitin 7 til 10 stig.

Leygardagin

Lítið lot sunnan, minni enn 5 m/s, samdrigið og okkurt ælið í støðum. Um náttina gongur hann vesturum og upp í eystan, hálvskýggjað og turt. Hitin 7 til 11 stig.

Sunnudagin

Lot til frískt lot eystan, 3 til 8 m/s, samdrigið og kanska okkurt ælið í støðum. Um kvøldið samdrigið, og fram ímóti midnátt fer at regna. Hitin 8 til 11 stig.

Mánadagin

Frískt lot til frískan vind av landnyrðingi, 5 til 10 m/s, í støðum upp í strúk í vindi, 13 m/s, samdrigið og regn. Hitin 6 til 10 stig.

Týsdagin

Veksandi vindur av landnyrðingi fyrrapartin úr frískum loti til frískan vind, 5 til 10 m/s upp í strúk í vindi upp í skrið, 13 til 18 m/s, samdrigið og regn. Um náttina minkandi klárari og sum frá líður slítur í. Hitin 3 til 8 stig.

Mikudagin

Frískur vindur upp í strúk av landnyrðingi, 8 til 13 m/s, hálvskýggjað og ælaveður, um náttin kanska vátakavi. Hitin 2 til 7 stig.