Eftir áheitan frá Sambandsflokkinum og eftir at hava hugsað meg væl um, so havi eg játtað at stilla upp til komandi løgtingsval.

Tað er av stórum týdningi, at Sambandsflokkurin fastheldur løgtingslimin í miðstaðarøkinum. Eg havi drúgvar royndir sum kommunalpolitikari í størstu kommununi í landinum, sum eg vil byggja víðari á. Eisini haldi eg meg at hava góð evni at samstarva og soleiðis skapa úrslit - og arbeiða visjónert í politikki.

Míni hjartamál eru m.a.:

• Fáa búskapin á rætta kós og harvið varðveita og styrkja vælferðatænasturnar

• Burtur við dupulfunktiónum, meira fyri hvørja krónu

• Taka atlit til náttúruna og serliga, tá stórar byggiverkætlanir skulu fremjast

• Endurskoða fasttrack-skipanina og broyta útlendingalógina (avmarka familjusamanføring)

• Endurskoða skattaumleggingina við skattafrádrátti til útisiglarar

Eg komi ikki at sita sum dupultmandatur, um eg skuldi blivi valdur á løgting - hetta við dupultmandatum er ein óskikkur, sum skapar iva um, hvat primera arbeiðið hjá einum politikara er.

X við Sambandsflokkin

Annfinn Brekkstein