Amerikanski forsetin, Donald Trump, hevur júst skrivað á Truth Social, at hann nú vil útseta álopið á Iran í eitt tíðarskeið uppá tvær vikur.

Í uppslagnum skrivar Donald Trump, at orsøkin til útsetingina er, at USA longu hevur nátt og yvirhálað øll hernaðarlig endamál í krígnum.

Vit eru komin væl áleiðis við endaligari avtalu um langtíðarfrið við Iran og frið í Miðeystri. Vit hava eisini fingið eitt friðaruppskot frá Iran við 10 punktum. Tað meta vit vera eitt hent samráðingargrundarlag, skrivar hann.

Sambært Trump eru næstan allar ósemjur frammanundan krígnum, eisini loystar millum USA og Iran. Longda freistin fer at gera tað møguligt at fullføra avtaluna.