Í gjár var løgreglan á ferð norðan fyri við lasaranum, at máta, hvussu skjótt bilarnir koyrdu.

Løgreglan sigur, at úrslitið varð, at tveir bilførarar vórðu tiknir - og teir fingu báðir klipp í koyrikortið, umframt at teir fingu bót.

Annar koyrdi 73 kilometrar um tíman á einum strekki har tað er loyvt at koyra 50, og hin koyrdi 101 á einum strekki har tað er loyvt at koyra 80, og tað er akkurát nokk til at hann fær eitt klipp.