Sambært miðfyrisitingini hjá amerikanska herinum, CENTCOM, eru tvey skip hjá amerikansku sjóverjuni farin inn í Hormuz-sundið, fyri at taka burt minurnar á farleiðini.

Soleiðis skrivar Admiral Brad Cooper, leiðari í CENTCOM í einum uppslagi á X:

- Í dag byrjaðu vit tilgongdina at seta á stovn eina nýggja farleið, og vit fara skjótt at deila hesa tryggu leiðina við sjóvinnuna, fyri at stuðla fríum handilsstreymi.

Sambært The Guardian, megnar Iran ikki at finna minurnar sum landið sjálvt legði í Hormuz-sundið, og hevur Iran heldur ikki førleikarnar at beina minurnar burtur.

Hettar skrivar The New York Times, sum hevur tosað við amerikansk embætisfólk.