Eftir liggjandi - óvanliga - gott veður í langa tíð, hevnir tað seg aftur nú. Og í morgin verður so nógvur vindur, at Strandferðslan avlýsir eina rutu - og ávarar um avlýsingar á eini aðrari.

Hann verður upp í 26 metrar um sekundið, av vestri, ella lágum vestri, og tí boðar Strandferðlan longu nú frá, at í morgin verður eingin sigling ímillum Sørvág og Mykines.

Men tey ávara eisini um ólag á suðuroyarsiglingini í morgin. Strandferðslan sigur, at eftir ætlan fer Smyril av Krambatanga klokkan seks í mogin ári, mánadagin, sum hann skal eftir ferðaætlanini.

Men síðani verður so nógvur vindur, at tað er vandi fyri, at ferðaætlanin fer ikki at halda restina av degnum -og kanska verður onkur túrur avlýstur heilt, sigur Strandferðslan.