Nógva regnið í dag bar við sær, at tað av álvara kom blot í kavan, og tað bar aftur við sær, at tað hevur verið óvanliga nógv vatn á vegunum.

Sambært lv.fo hava tað verið fleiri enn 50 størri og minni áarlop. Ein stórur hylur er framvegis á landsvegnum omanfyri Skála.

Landsverk mælir frá koyring á Oyndarfjarðavegnum og Selatraðarvegnum í kvøld.

Bilførarar eiga at vísa størsta varðsemi, tá ið tað verður koyrt millum bygdir, sigur Landsverk.

Í kvøld er vindurin vaksandi og fleiri fráboðanir eru um heilt nógvan vind í hvirlunum.

https://www.landsverk.fo/fo-fo/borgari/koyrilikindi