Sum kunngjørt av løgmanni verður løgtingsval hósdagin 26. mars 2026.
Valt verður soleiðis
Fólk í Havn, Mjørkadali, Norðradali, Hesti og Koltri velja í ítróttarhøllini á Hálsi
Fólk í Hoyvík, á Hvítanesi og Sundi velja í Hoyvíkshøllini
Fólk á Argjum velja í Skúlanum á Argjahamri
Fólk í Kaldbak og Kaldbaksbotni velja í Høllini í Kaldbak
Fólk í Kollafirði, Signabø og Oyrareingjum velja í skótahúsinum í Kollafirði
Fólk í Kirkjubø, á Velbastað og í Syðradali velja í skúlanum á Velbastað
Fólk í Nólsoy velja í felagshúsinum hjá Ungmannafelagnum Royndini í Nólsoy
Atkvøðugreiðslan verður frá klokkan 10-20, ella so leingi veljarar møta uttan steðg.
Tey, sum vegna sjúku ella av øðrum orsøkum ikki kunnu koma á valstaðið, kunnu boða frá á Snarskivuni, telefon 30 20 10, til dagin fyri valið.
Samstundis verður boðað frá, at valkort til løgtingsvalið eru send teimum, ið standa á vallistanum. Um veljari ikki hevur fingið valkort, ella okkurt annað er komið skeivt fyri, skal sum skjótast boðast Snarskivuni frá hesum.
-1773187090.jpeg)
