Ukraina hevur biðið Svøríki um at skjótast gjørligt byrja at útbúgva ukrainskar flogskiparar við svenskum Gripen-stríðsflogførum.

Hetta segði ukrainski verjumálaráðharrin, Denys Sjmyhal, hósdagin á einum tíðindafundi saman við svenska starvsfelaga sínum, Pal Jonson, sambært Reuters.

Sambært Sjmyhal er Ukraina til reiðar at senda herfólk til Svøríkis.

Millum annað avdúkaði tíðindafundurin eisini, at Svøríki og Ukraina vilja styrkja felags førleikan hjá londunum at menna og framleiða nýggja vígvølltøkni.