Eftir eitt longri streymslit í dag leygardag, er after komið skil á í franska býinum Cannes. Í dag er síðsti dagur við virðisløn-handanum á kendu árligu filmsstevnuni "Cannes Film Festival"

Lokalir myndugleikar greiða, sambært tíðindastovuni Reuters frá, at stórir partar av franska økinum Alpes-Maritimes, har Cannes liggur, vóru merkt av hendingini. Umleið 160.000 húsarhald meta myndugleikar at tað snýr seg um. Eisini kom óró í ferðsluna tá ferðsluljósini sløknaðu.

Tað er allarhelst eldásetan á eina transformarastøð í bygdini Tanneron, sum er atvoldin til streymslitið.

-Tað er sabotasja, sigur løgreglan sambært norsku tíðindastovuni NTB.

VG skrivar, at beinini á einum háspenningspyloni í býnum Villeneuve-Loubet, sum liggur umleið 20 kilometrar frá Cannes, vórðu sagaði av. 

Streymslitið hendi um alt Cannes klokkan 10 leygarmorgunin, og vardi uml. 5 tímar. Hettar førdi til, at fleiri filmssýningar vórðu avlýstar.