Tað eru fleiri handlar, sum hava fingið sær sjálvvirkandi skannara, har tey, sum keypa, sjálvi skulu skanna vøruna inn, og rinda.

Men tað hendur seg meiri enn so, enn at brúka hetta høvi til at stjala tí tey skanna ikki allar vørurnar inn, sum tey hava keypt.

Tað hendi aftur í gjár í einum Á-handli, har ein kundi var og keypti, men skannaði ikki allar vørurnar inn.

 Løgreglan sigur, at í hesum føri var talan um vørur fyri einar 1.000 krónur, sum vórðu stolnar.

Løgreglan sigur, at beint nú vita tey ikki, hvør tjóvurin er. Men har eru vakmyndatólk, so teimum myndunum fara tey at hyggja at, og so vænta tey, at tjóvurin verður avdúkaður.