Spennandi orðaskifti við Heina Zachariassen og Louise frá ‘Løvens Hule’ á Tonik

Hvussu menna og fíggja vit komandi ættarlið av íverksetarum?

Á Tonik verður spennandi orðaskifti, ið fer at snúgva seg um framtíðar íverksetarar

og íløgur, við serligum atliti til kvinnuligar íverksetarar, og hvussu vit kunnu menna

eitt meiri fjølbroytt og vælvirkandi íverksetaraumhvørvi.

Vertur fyri orðaskifti verður Jenni Chance, Chief of Staff í PricewaterhouseCoopers,

og luttakarar í orðaskiftinum verða Heini Zachariassen, stovnari av Vivino, og Louise

Herping Ellegaard, stovnari av Clio, og ein av leyvunum í vælumtóktu sendingini

“Løvens Hule” á DR1. Tey bæði fara at deila persónligar søgur og koma við

ítøkiligum ráðum til íverksetarar - og fara eisini at greiða frá, hvat íleggjarar serliga

hyggja eftir.

Heitið á orðaskiftinum er “Backing Boldness – What It Takes to Build (and Bet On)

the Next Generation of Founders” og verður á Føroya Tele pallinum í Silo kl 12:00

fríggjadagin 9. mai.

Skráin verður leypandi dagførd komandi dagarnar.

Áhugin fyri TONIK er sera stórur, bæði í Føroyum og uttanlands. Fleiri enn 60

fyritøkur luttaka og væntandi verða um 700 fólk, sum umboða íverksetarafyritøkur,

vinnuvirkir, tænastufeløg, myndugleikar, fíggjarstovnar og íleggjarar.

Hetta er triðja árið at skipað verður fyri stórslignu og festival líknandi ráðstevnuni,

sum hevur verið útseld hvørt ár.

Tað eru Hugskotið, Vinnuframi, Íverksetarahúsið, Framtak og Uttanríkis- og

vinnumálaráðið, sum skipa fyri TONIK og Elektron er høvuðsstuðul í 2025.

Ráðstevnan verður í Silo í Sjóvinnuhúsinum næsta fríggjadag 9. Mai. Les meira á

Spennandi orðaskifti við Heina Zachariassen og Louise frá ‘Løvens Hule’ á Tonik Spennandi orðaskifti við Heina Zachariassen og Louise frá ‘Løvens Hule’ á Tonik