![](/assets/articles/TELEMMGLPICT000384003556_17197799047250_trans_NvBQzQNjv4Bqb-P8uMn1fhWSb_s9h5v3Zd3phtbqByEk94srYvuF_ps.jpeg.webp)
![Dimma.fo Logo](https://www.dimma.fo/assets/dimmalaetting.png)
Spaniólar vunnu sannførandi
Við flottum comeback er Spania til reiðar til kvartfinaluna í EM
Ragnar Sjúrðarson
30. juni 2024 kl. 22:02
EM-ævintýrið hjá Georgia er á hesum sinni av, tá Spania vann sannførandi 4-1.
Tað var tó Georgia, sum ímóti leikgongdini legði seg á odda aftaná 17 minuttir, tá spanski Robin Le Normand sendi bóltin í egið mál.
Gleðin var stokkut, tí stutt fyri steðgin javnaði Rodri til hálvleikstøðuna 1-1.
Í seinna hálvleiki legði PSG-spælarin Fabian Ruiz Spania á odda, áðrenn Nico Williams skoraði eitt framúrskarandi flott solomál.
Luftin fór síðani úr ballónini hjá Georgia, og tað gjørdi Dani Olmo sær dælt av, tá hann skoraði til 4-1, sum bleiv endaliga støðan.
Har væntast eitt brak av einum fótbóltsdysti fríggjadagin tá Týskland, sum í gjár sendi Danmark heim, skal møta Spania í kvartfinaluni.