Fyrsti dagurin á ársins G! Festivali er farin afturum og nú klokkan 14:00 verður hol sett á fyrstu konsertina á degi tvey.

Veðurforsagnirnar hava higartil verið gjørdar fyri skommum. Flestu festivalgestirnir hava pakkað regnklæðir og regnskjól, men enn hevur tað ikki verið neyðugt, og fólk hava í staðin funnið sólbrillurnar fram.

Hitapottarnir á sandinum hava verið fullir av fólki og mong hava byrjað dagin við at svimja sær ein túr í sjónum.

Nøvnini á sandinum í kvøld eru Marius Ziska klokkan 18:50, Son of the East klokkan 21:00, When Saints Go Machine klokkan 23:15 og Byrta klokkan 01:30.

Á spæliplássinum verður tað punkbólkurin 200, við nýggju fløguni “Reyvheart”, sum endar ballið klokkan 02:45, meðan Playmo, sum spælur klokkan 02:35, verður seinasti bólkurin í fjósinum.

Veðurstovan Yr.no boðar framvegis frá regni í dag: