Sonur krúnprinsessu Mette Marit, 29 ára gamli Marius Høiby bað rættin lata seg varðhaldsfongsla heima hjá mammu síni. Hettar bæði tí hann heldur lítið um viðurskiftini í fongslinum, og eisini at hann vil vera nær við familju og vinir.

- Eg havi onkran í míni nærmastu familju, sum hevur eina sjúku, sum ger vitjanir í fongslnum, ja eg veit ikki, hvørji orð eg skal brúka, men tað ger tað eitt sindur truplari, enn um eg hevði verið heima, segði hann.

Eisini kritiserar hann luftgóðskuna í fongslinum.

Mikudagin avgjørdi landsrætturin í Oslo tó, at Marius ikki fær loyvi at varðhaldsfongslast við fótleinkju í Skaugum, sum hann annars hevur biðið um at sleppa.

Oslo fengsel sigur at vitjanarrúmini eru í góðum standi. Tey vilja ikki svara um luftgóðskuna.

Verjin hjá Marius fer at kæra avgerðina.