Føroya Arbeiðsgevarafelag og arbeiðarafeløgini samráðast um nýggjan sáttmála. Í kvøld eru tey samd um at leingja sáttmálaskeiðið fram til á midnátt í annaðkvøld, hóskvøldið 7. mai.

Sáttmálin fór úr gildi 1. mai. Síðani hava samráðingar verið, og partarnir samráðast framvegis.

Arbeiðarafeløgini, sum samráðast, eru Føroya Arbeiðarafelag, Havnar Arbeiðarafelag, Havnar Arbeiðskvinnufelag, Klaksvíkar Arbeiðskvinnufelag og Klaksvíkar Arbeiðsmannafelag.