Í næstu viku skal A-landsliðið hjá monnum spæla tríggjar EM-undandystir, tveir móti Russlandi og ein móti Kekkia. Men nú er greitt, at Rókur Akralíð ikki verður partur av landsliðshópinum, tí hann er vorðin skaddur.
Hondbóltssambandið veit at siga, at Rókur hevur fingið ein skaða í ryggin at dragast við og noyðist tí at geva avboð. Í hansara stað hava landsliðsvenjararnir úttikið Rógva Dal Christiansen, sum til dagliga spælir í íslendska felagnum, Fram. Hann verður lýstur sum ein sterkur strikuspælari.
Hesir eru teir 17 úttiknu til dystirnar móti Russlandi og Kekkia :
Nicholas Satchwell, KA Akureyri
Tórður Skorheim Guttesen, Kyndil
Rói Berg Hansen, HØJ
Sjúrður Olsen, VÍF
Brandur Halgirson, Ajax København
Jónas Gunnarson Djurhuus, Viking Stavanger
Filip Jojic, VÍF
Elias Ellefsen á Skipagøtu, IK Sävehof
Kjartan Johansen, Viking Stavanger
Peter Krogh, H71
Vilhelm Poulsen, Fram
Allan Norðberg, KA Akureyri
Hákun West av Teigum, Skanderborg Håndbold
Pætur Mikkjalsson, SUS Nyborg
Rógvi Dal Christiansen, Fram
Teis Horn Rasmussen, TM Tønder
Pætur Thomsen, H71
Føroyar spæla móti Russlandi í Moskva mikudagin 28. apríl, móti Kekkia í Havn fríggjadagin 30. apríl og í havn móti Russlandi sunnudagin 2. mai.
Kelda: Hondbóltssamband Føroya