Fyri fáum vikum síðani lat nýggja matstovan hjá kokkinum Poul Andrias Ziska upp í Tórshavn. Hon liggur í miðbýnum.

Hóast so stutt tíð er liðin, hevur Paz, sum matstovan eitur, longu fingið tvær Michelin-stjørnur frá Michelin Guide.

Tær blivu tildeildar í kvøld í Odsherred, har Michelin-handanin til norðurlendskar matstovur gekk fyri seg.

Verturin læs upp grundgevingina fyri hví Paz fekk hendan heiðurin

-The experience is a true joy (...) You're approach is refreshingly authenthic and full of characther..."

Hvussu kennist tað? spurdi verturin síðani Poul Andrias Ziska.

– Gott. Tað er gott at vera aftur! svaraði hann

Hann fortaldi, at nakað av trýsti hevði verið á hann, nú tey akkurát hava latið matstovuna upp, og at hetta er nýtt og øðrvísi umhvørvi enn tað, hann er vanur at arbeiða í.

– Hetta hevði eg veruliga ikki væntað. Men tá man fær eina innbjóðing til hetta, so væntar man sjálvandi okkurt, men eg var als ikki fyrireikaður uppá hetta, segði Poul Andrias Ziska.

Myndir: Claus Bech/Ritzau Scanpix