Interpol hevur gjørt av at taka eina sokallaða ‘reyða fráboðan’ av aktivistinum Paul Watson.

Interpol heitir sostatt ikki longur á alheima løgreglumyndugleikarnar, at handtaka Watson.

Tað var advokaturin hjá honum, William Julié, sum upplýsti hettar fyri tíðindastovuni AFP.

Í fjør summar varð Paul Watson handtikin í Grønlandi, júst orsakað av ‘reyðu fráboðanini’ úr Japan, sum var á honum.

Hann varð varðhaldsfongslaður í meira enn fýra mánaðir, áðrenn danska løgmálaráðið avgjørdi, ikki at útflýggja hann til Japan.

Tíðindastovan AP skrivar, at Interpol upplýsir, at avgerðin ikki skal síggjast sum ein meting av hendingunum, sum fóru fram í Japan í 2010 og sum elvdu til leitingina eftir Watson.