Covid-varianturin Omikron minnast flest okkara sikkurt. Millum annað hevði hann tann eginleikan, at hann var nógv meira smittingarsamur enn undanfarnu variantarnir. 

Nú er enn ein nýggjur, muteraður Corona- variantur komin og er hann júst uppdagaður í Svøríki. Hettar skrivar Aftonbladet.

Talan er um variantin við navninum NB.1.8.1, eisini kallaður Nimbus.

Hann hevur longu breitt seg í Asia, men er altso nú eisini uppdagaður í nøkrum fáum førum í Svøríki.

-Tað er ikki ómøguligt, at vit fara at síggja ein øking í Svøríki yvir summarið, sigur stats-farsóttarfrøðingurin Magnus Gisslén frá Universitetinum í Sahlgrenska Akademi.

Ein annar serfrøðingur í smittumedisini, Jens Lundgren sigur

- Vit skulu avgjørt ikki stúra fyri nýggja variantinum. Tað er hent rættiliga nógvar ferðir seinastu fimm árini, at ein nýggjur variantur kemur fram, sum hevur muterað.