Kappingin verður skipað av Treysti og er eitt býarhálvmaraton við rundteini inni í býnum.
Í samband við hálvmaraton verða fleiri høvuðsvegir í Klaksvík stongdir fyri vanligari ferðslu. Tað snýr seg um Stoksoyraveg, Klaksvíksveg, Biskupstøðgøtu, Nólsoyar Pálsgøtu og part av Stangavegnum.
Stongingin er galdandi frá kl. 10.00 til 14.00. Í sama tíðarskeiði steðga bussarnir hjá Bygdaleiðum bert á Borðoyavík.
Hálvmaraton við rundteini í býnum
Renningin er skipað sum ein rundkoyring á 5,3 kilometrar, sum verður runnin fýra ferðir. Startur og mál eru uttan fyri Norðoya Sparikassa.
Hetta er sama ruta sum undanfarin ár, og hon er DAF-góðkend. Ein vatnpostur er á rutuni, eisini við Norðoya Sparikassa.
Luttøka og praktisk kunning
Øll, sum eru fødd í 2009 ella fyrr, kunnu luttaka í opnari kapping. Fyri at kappast um FM-heitið krevst limaskapur í einum felagi undir FÍF.
Freistin at melda til er fríggjadagin 1. mai kl. 22.00. Startnummur skulu heintast leygardagin millum kl. 10.00 og 10.45 í skúlanum á Skúlatrøð.
Eftir kappingina verður møguligt at skifta og brúsa sær í fimleikahøllini. Luttakarar fáa eisini suppu og kaffi ella te í skúlanum á Skúlatrøð.
Heiðursmerkja handanin verður kl. 13.30.
Treysti væntar góða undirtøku og bjóðar luttakarum vælkomnum til eina av skjótastu hálvmaratonrutunum í Føroyum.
