Eldurin í Skagen Klitplantage kyknaði uppaftur seinnapartin, upplýsir Norðurjútlands Tilbúgvingartænasta.

-Møguleikarnir fyri at fáa tamarhald á eldinum í Skagen Klitplantage eru avmarkaðir, um eldurin fer út um brunabeltið hjá alarmsentralinum og heldur fram, heilt oman til vegin.

Tað sigur tilbúgvingarleiðarin hjá Norðurjútska tilbúgvingartænastuni, Per Vedsted, við TV 2.

-Vandin er, at eldurin fer at breiða seg út í eitt nýtt skógarøki, sum er stórt og heldur fram heilt oman til vegin.

Vit hava ikki nógvar møguleikar at koma inn har at steðga honum, sigur hann.