Nintendo hevur almannakunngjørt, at teirra næsta spælimaskina, nevnd Switch 2, er á veg. Maskinan er eitt framhald av tí upprunaligu Switch, men hevur ein størri skíggja, skrivar Gaming.fo.

Switch 2 líkist sera nógv Switch spælimaskinuni sum fæst í dag, og Nintendo fortelur at hon verður eisini før fyri at spæla tey flestu av spølunum tú longu eigur, bæði fysisk og talgild.

Vit fáa meira at vita um Switch 2 á einum Nintendo Direct tiltaki tann 2. apríl.