– Vit eru sera fegnir um, at vit hava fingið møguleikan at koma aftur til deiligu Føroyar, og vit ætla okkum at skapa eina stóra veitslu á Summar Festivalinum, siga Nik & Jay.

– Vit eru mitt í einari festivalkonsertferð, og vit hava alt okkara show við til Føroyar. Tað er líkamikið, um vit spæla í Skanderborg ella Malagá ella í Klaksvík. Vit koma við øllum tí besta, sum vit hava, siga teir.

Nik & Jay spæla á Vágsbø hóskvøldið kl. 22.

Sera nógv fólk ætla sær á Summar Festival. Tí heita vit á fólk, um at fáa sær armband uppá áðrenn festivalin, um tað ber til. Og tað ræður um at koma í góðari tíð hóskvøldið, tí tað kunnu koma køir við inngongdina áðrenn konsertina við Nik & Jay.

Vit gleða okkum til eina rimmar konsert við Nik & Jay!