Fyrrapartin var lutakast um, hvør skal spæla ímóti hvørjum í EM endaspælinum fyri U-17 gentur. EM endaspælið, sum er tað fyrsta av sínum slagi yvirhøvur í Føroyum, verður í døgunum 4. til 17. mai, og tað verður spælt í Klaksvík og í Havn.

Lutakastið var fyrrapartin í Varpinum undir tignarligum umstøðum, og lutakastið lagaði seg soleiðis:

Bólkur A Føroyar, Niðurlond, Eysturríki og Norra.

Bólkur B Spania, Italia, Pólland og Frakland.