Í gjár gjørdi løgreglan ferðmátingar i Eysturoynni, og serliga varð tað dýrt hjá einum bilførara, sum koyrdi alt ov skjótt.

Í Saltangará koyrdi ein bilur 71 kilometrar um tíman, har tað annars er  loyvt at koyra 50, og tað gevur honum eitt klipp í koyrikortið, umframt at hann fær bót.

Fuglafjarðavegnum, har tað er loyvi at koyra 80, koyrdi ein 101, og tað fær hann klipp í koyrikortið fyri. Koyrdi hann ein kilometur meir, hevði hann mist tað, so hann lá akkurát á markinum.

Men á sama strekkið varð eisini ein tikin fyri at koyra alt ov skjótt, hann koyrdi 132 kilometrar um tíman. so hann misti koyrikortið á staðnum.

Í slíkum førum mugu bilførarar lata bilin standa og sleppa til hús upp á onkran annan máta - men onkuntíð letur løgreglan tey sleppa at koyra til hús, og so verður bilurin settur.