Tá ið hugsað verður um, at tað hevur verið sunnunátt - og Summarfestivalur har túsundtals fólk eru samlað í Klaksvík, hevur tað verið merkiliga friðarligt í nátt.

Tað sigur vakthavandi hjá løgregluni í morgun.

Á summarfestivalinum vóru samarittarnir til staðar, og teir hjálptu fólki í nøkrum førum.

Løgreglan sigur, at í einum føri var talan um eitt barn undir 15 ár, og sum sostatt var undir revsingaraldur. Men tað var so drukkið, at tað kravdi hjálp. Løgreglan sigur, at í slíkum føri verða foreldrini kunnað, samstundis sum at barnaverndin fær eina frágreiðing.

Løgreglan sigur eisini, at tey hava eitt dømi um slagsmál á Summarfestivalinum, men tey hava ikki eina greiða mynd av, hvat tað er, sum er hent.

Tí er tað eitt mál, tey kanna nærri fyri at vita um eitt mál um harðskap skap reisast, ella um tað verður eitt løgreglumál í aðrar mátar.