Seinnapartin í gjár hendi eitt ferðsluóhapp í Eysturoyartunlinum. Óhappið hendi einar 80 metrar frá rundkoyringini, á strekkinum ímóti Rókini.

Ein bilførari helt ikki neyðugu frástøðuna og rendi upp í reyvina á bilinum frammanfyri. Bilarnir fingu skaða, og fólkaskaði var eisini, men løgreglan veit ikki, hvussu álvarsligt tað var.

Óhappið elvdi til, at tunnilin varð stongdur eitt skifti, tí sjúkrabilur mátti á staðið, umframt at bilarnir skuldu  beinast av vegnum og vegbreytin ruddast.

Løgreglan sigur, at bilførarin, sum ikki neyðugu frástøðuna, fær klipp í koyrikortið og 1.500 krónur í bót.