Íløgan hevur verið stór, og í kvøld fekk hon løn fyri stríðið.

Maria Biskopstø hevur verið í USA fyri at renna og fyrireika seg til oyggjaleikirnar, og meðan hon er undir lestri í Danmark, hevur hon lagt nógva orku í renningina og fyrireikingarnar til oyggjaleikirnar.

Í dag luttók hon í 400 metra rimarenning ella hekkrenning, og tað gekk sum eftir ánni.

Maria Biskopstø úr Klaksvík, sum á leikunum fyri tveimum árum síðani endaði næstfremst, vann kappingina í dag og harvið gullkrónuna. Sigurin var trivaligur, tí tíðin hjá Mariu var 1:01.87, meðan tíðin hjá Dancey Hodson av Guersey, sum var næstfremst, var 1:03.27.