Løgreglan kannar í løtuni fleiri mál um stuldur í handlimum, Glimmur, í Niels Finsensgøtu í Havn.

Løgreglan sigur, at talan er um blaðungar gentur, báðumegin 15 ár, sum ganga inn í handilin at stjala smúkkur og prýðislutir av ymsum slagi.

Men tey siga, at handilin hevur góð vakmyndatólk allastaðni, so at tað er lætt at finna fran til tær, sum stjala.

Tað eru lutfalsliga nógv dømi um stuldur akkurát í hesum handlinum, og tað hendi aftur í gjár, at tvær blaðungar gentur vóru inni og stjólu,. Men eisini tær eru tiknar upp á film, so løgreglan veit hvørjar tær eru.

Nú verður so gjørt klárt at seta seg í samband við tær.

Løgreglan sigur, at tá ið talan er um so ung fólk, verður ein frágreiðing skrivað til barnaverndina um málini.

Og er gentan 15 ár, ella eldri, fær hon eisini eina viðmerking í revsiváttanina, sum verður standandi í eitt ella tvey ár.

Tað merkir, at hesa tíðina kann hon ikki arbeiða nakrastaðni, har tey krevja reina revsiváttan.