Seinastu dagarnar hava nakrir bilførarar ringt til løgregluna at melda, at hálvvaksnir dreingir hava gjørt fortreð við at blakað egg eftir bilunum í Saltangará og har um vegir.

Tað kann vera serstakliga óheppið fyri ferðslutrygdina, tí tað kann loypa hvøkk á bilførararnar.

Samstundis vita handilsfólk frá at siga, at tað er merkiligt, sum unglingar hava gingið inn at keypa egg.

Løgreglan sigur, at í gjár fingu tey fatur á teimum flestu dreingjunum, teir vóru einir 10 í tali.

 Løgreglan sigur, at sostatt hava tey fingið ein prát við dreingirnar og foreldrini - í allari hampiligheit - um álvaran í hesum, og meiri verður heldur ikki gjørt burtur úr.

Men eftirsum talan er um unglingar undir 18 ár, verður altíð ein frágreiðing skrivað til sosialu myndugleikarnar í kommununi.