- Hey, eg ringi frá Javnaðarflokkinum á Fólkatingi. Liggur fyri at koma til starvssamrøðu fríggjadagin?

Hendan løtan á sumri 2013 vísti seg at verða ein varði í mínum lívi, tí ta næstu tíðina var eg á skrivstovuni hjá Sjúrði og Javnaðarflokkinum á Fólkatingi. Talan varð um eina ómetaliga góða og spennandi tíð, og tá eg hugsi aftur á tíðina, fái eg somu kenslu, sum tá eg hugsi um Legoland.

Vit gjørdu nógv, fyrireikaðu nógv og arbeiddu nógv. Umframt dagligar uppgávur skipaðu vit m.a. fyri eini ráðstevnu um oljuleiting í Føroyum. Vit gjørdu eisini eina kanning um, hví nýútbúgvin velja at flyta heim – ella ikki flyta heim – eftir loknan lesnað.

Eg fekk eitt serstakt innlit í, hvussu fólkatingssessurin kann røkjast, og hvussu nógv kann fáast burturúr við røttum hugburði.

Tíðin á Christiansborg var framúr, og um veljarin vísir mær álit týsdagin, fari eg at halda fram, har eg slepti fyri 12 árum síðani – hesa ferð ætlandi í fýra ár.

Óli Jákup Jacobsen

Valevni fyri Javnaðarflokkin til Fólkatingsvalið