Løgreglan leitar nú eftir vitnum í sambandi við eina neyðtøkuroynd, sum fór fram í miðbýnum í Havn sunnumorgunin 7. september 2025 klokkan gott fýra.

Hendingin byrjar við, at tríggir mans koma yvir til tvær 18 ára gamlar kvinnur, sum sita uttan fyri Margarinfabrikkina ímillum Tórsgøtu og Magnus Heinasonar gøtu. Menninir tosa enskt. Eftir eina løtu fara teir avstað.

Ein teirra kemur tó aftur og roynir at gera seg inn á kvinnurnar. Tá hetta miseydnast, rennur brotsmaðurin frá staðnum.

Brotsmaðurin, sum tosar enskt, er myrkur í húðini og verður mettur at vera uml. 30 ár.

Løgreglan leita nú eftir vitnum, sum kunna hava sæð hendingina, ella mannin renna frá staðnum sunnumorgunin. Tey, sum vita okkurt, kunnu ringja til løgregluna á telefon 35 14 48.