Iran er farið undir at leggja minur í Hormuzsundið, heimsins týdningarmesta farleið, har ein fimtapartur av allari heimsins ráolju, verður silgd ígjøgnum.

Hettar greiða tveir persónar frá, sum kenna til amerikansku fregnartænastuna.

Minurnar eru ikki umfatandi nógvar enn, har nøkur dusin eru løgd seinastu dagarnar, siga keldurnar. Iran hevur framvegis varðveitt upp til 90 prosent av sínum smáu bátum og minuleggjarunum, segði ein av keldunum.

Iranska Islamiska Kollveltingarverjan, stýrir nú í roynd og veru, sundið saman við siðbundnu sjóverjuni í Iran.

Hesir hava førleikan at seta út eitt net av túsindavís av spjæddum minum, spreingievnis-lastaðum bátum, og rakettum frá landi, skrivar CNN.

Um so er at tað passar at teir er byrjaðir at leggja hesar minur, vera avleiðingarnar fyri Iran á einum slíkum støði, sum ikki er sæð áður. Nakað soleiðis skrivar Donald Trump á sínum egna sosiala miðli, Truth Social.

Hann sigur tó at einki officielt er meldað út um hettar enn.

Trump skrivar eisini, at um Iran tekur burtur minurnar sum skulu vera lagdar út, er tað eitt stórt stig á røttu leið.