Hóskvøldið 6. november verður kunningartiltak á Miðnámi á Kambsdali, har nýggja integratiónslógin verður løgd fram og umrødd. Tiltakið er frá kl. 19.00 til 20.00.

Umboð frá Útlendingastovuni fer at greiða frá, hvussu nýggja lógin ávirkar tilflytarar í Føroyum. Eisini fer umboð úr Løgmálaráðnum at hava eina stutta framløgu um integratiónsskeiðið, sum í løtuni verður ment.

Framløgurnar vara tilsamans umleið 45 minuttir, og øll eru hjartaliga vælkomin at luttaka. Aftaná verður drekkamuður og okkurt søtt at fáa.

Tiltakið verður hildið í nýggju felagshøllini á Miðnámi á Kambsdali.