Donald Trump hevur ætlarnir um at senda krígsskip til Hormuzsundið, sum Iran hevur stongt fyri ferðslu av øllum uttan tey lond sum samstarva við teir.

Harafturat hevur Iran lagt út nógvar minur.

Hendan ætlanin hjá amerikanska forsetanum, er bæði ein torfør og sera hættislig uppgáva, sambært fleiri serfrøðingum á økinum.

Rosemary Kelanic, stjóri í Miðeysturskipanini hjá Defense Priorities, kallar tað fyri eina sera hættisliga uppgávu, tí Iran kann seta ymisk sløg av álopum í verk frá strondini.

- Av tí at tey kunnu leypa á frá strondini, er heilt einfalt ikki nóg mikið av reaktiónstíð til at forða fyri, at skip verða rakt, sigur hon við CNN.

Mohamad Elmasry, professari í miðlafrøði á stovninum í Doha, sigur við miðilin Al Jazeera, at Trump undirmetir ta veruliga torføru uppgávuna, tí skipini sigla eisini sera seint gjøgnum sundið

- Tey eru massiv mál á sera smalari farleið, sigur hann.