Tað er framvegis óvist nær, og í so fall hvussu, russiski forsetin, Vladimir Putin, og amerikanski forsetin, Donald Trump, skuldu havt verið í samband við hvønn annan.

Talsmaðurin hjá Kreml, Dmitrij Peskov, vil hvørki vátta ella avsanna seinastu leysasøgurnar um, at Putin og Trump hava prátað um at enda kríggið í Ukraina.

Sambært amerikansku avísini, New York Post, heldur Trump uppá, at hann hevur tosað við Putin, men tað er óvist nær samrøðan skuldi havt verið.

-    Í takt við at fyrisitingin í Washington er í gongd við arbeiðinum, fyrikemur samskifti. Og hetta samskifti gongur fyri seg gjøgnum ymiskar rásir, sigur Dmitrij Peskov millum annað.