Í gjár og í nátt hevur løgreglan tikið tveir bilførarar fyri at koyra við kenning.

Ein varð tikin á miðdegi í gjár í vanliga eftirlitinum hjá løgregluni.

Verri var hjá teimum, sum varð tikin í nátt. Klokkan fýra í nátt varð nevniliga ringt til løgregluna at melda, at ein bilur var stolin í Havn.

Løgreglan fór at leita og eina løtu seinni funnu tey bilin. Bilurin hevði ikki fingið skaða - men bilførarin hevði kenning. Hann er sostatt skuldsettur fyri at hava stolið bilin og fyri at hava koyrt við kenning.

Men eigarin fær eisini bót, tí hann hevði latið lyklarnar liggja í bilinum - og tað er ólógligt.