Í dag kemur amerikanski kavbáturin, USS Albany, til Føroya. Uttanríkisráðið sigur, at talan er um ein kjarnorkuriknan kavbát, sum eisini var í Nólsoyarfirði fyrr í ár.

Lagt verður at bryggju á Oyrareingjum nakað eftir middag og USS Albany fer avstað aftur mikudagin. 
 
USS Albany hevur fingið loyvi at koma higar. Í loyvinum hevur Uttanríkis kortini sett serligar treytir við og tað er tí at talan er um ein kjarnorkuriknan bát. Av somu orsøk eru ávís tilbúgvingartiltøk sett í verk í sambandi við vitjanina.
 Tjaldrið fylgir kavbátinum, meðan hann siglir í føroyskum sjóumveldi og Tjaldrið liggur eisini á Kollafirði ímeðan hann er her.