Sambært felagnum var árið merkt av hægri kostnaði og truplum verkætlanum, men nú verður væntað, at úrslitini batna frá 2026 og frameftir.

Karstensens Skibsværft hevur leverað fleiri skip til føroyskar eigarar. Tey trý seinastu pelagisku skipini eru Høgaberg (2024), Finnur Fríði (2024) og Christian í Grótinum (2022).

Trupulleikar við fastprísavtalum

Felagið upplýsir, at fastprísavtalur frá tíðini undan krígnum í Ukraina hava givið stórar eykaútreiðslur. Prísir á tilfari og fígging hækkaðu nógv, og fleiri verkætlanir gjørdust ólønsamar. Kortini valdi felagið at halda allar avtalur uttan at endursemja tær.

Karstensen Gruppen hevur í dag eina sterka orderbók við 19 nýggjum skipum til eitt virði á DKK 5,6 mia. Hetta tryggjar arbeiði fram til 2028. Samstundis er starvsfólkatalið vaksið til nærum 700.

Væntanir til 2026 og frameftir

Felagið væntar betri úrslit, tá síðstu ólønsomu verkætlanirnar eru lidnar í fyrra hálvári 2026. Nýggjar avtalur hava betri fíggingarumstøður og lægri váða.

Leiðslan sigur, at hóast trupla tíð hevur felagið styrkt sítt grundarlag og síni sambond. Tað gevur góðar framtíðarútlit.