Løgreglan er nú í ferð við at kanna eitt mál um harðskap. Tilburðurin fór fram um vikuskiftið, men var ikki meldaður fyrr enn í gjár.

Løgreglan sigur, at talan er um ein mann, sum varð skumpaður so hart í ein hurðarkarm, at hann fekk skaða í andlitið.

Tað var á einum skeinkistaði í Havn at hetta hendi. Løgreglan sigur, at mú royna tey at peila seg inn á gerningsmannin, tí enn vita tey ikki, hvør tað er.

Men tey hava fingið eina lýsing av honum og skulu tosa við fólk, sum vóru til staðar.

Tey skulu eisini vita um nøkur vakmyndatól vóru nærhendis, sum kanska kunnu varpa ljós á, hvat tað var, sum hendi.