Seint í heyst myndaði Sørvágs Kommuna eina byggiskrá, sum skuldi seta sjøtil á at fáa nýggja ítróttahøll í Sørvági – eitt stórt og eftirspurt íløguverk, sum hevur verið ávegis í nógv ár.

Arbeiðið skuldi fevna um at sniðgeva og byggja nýggja ítróttahøll í Sørvági við øllum hentleikum og rúmum, ið skulu til fyri, at ein høll skal kunna brúkast. Fyrsti partur av høllini, sum skuldi byggjast, er sjálvur bygningurin. Eftir hetta er ætlanin at gera uttanumøki og parkeringsøki.

Og tað komu fýra tilboð inn.

Tey eru soljóðandi (uttan mvg):

Kanjon: 43.500.000,-

J&K: 43.843.920,-

Norðhús: 43.995.000,-

Articon: 61.160.044,-

Ein dómsnevnd verður sett beinanvegin til at taka støðu til innkomnu tilboðini, og meira verður at frætta tá tilmælið frá nevndini kemur.